தமிழ் மொழியின் சிறப்பு / Tamil mozliyin sirapu

Tamil Mozliyin sirapu

நம்முடைய தாய் மொழியான தமிழ் மொழியின் சிறப்புகளை (Tamil mozliyin sirapu) மற்றும் அதன் தொன்மை, இலக்கண, இலக்கிய வளம் என தமிழ் மொழியின் பெருமையையும் இந்தப் பதிவில் பார்ப்போம்.

Tamil Mozliyin sirapu

நிலைத்த 

உலகில் ஆறாயிரத்திற்கும் மேற்பட்ட மொழிகள் உள்ளன என்பர் மொழிநூலார். இவற்றுள் இலக்கண, இலக்கிய வளம் உடைய மொழிகள் 3000. இவற்றுள்ளும் ஈராயிரம் ஆண்டுகளுக்கு மேற்பட்ட வரலாற்றை உடைய மொழிகள் சிலவே. அவை தமிழ், சீனம், சமஸ்கிருதம், இலத்தீன், ஈப்ரு, கிரேக்கம் ஆகியன. இவற்றுள் இலத்தீ்னும் ஈப்ருவும் வழக்கிழந்து போயின. இன்றும் நிலைத்து நிற்கும் மொழிகளுள் நம் தமிழ் மொழியும் ஒன்று.

ஒரு மொழி நிலைத்து நிற்பதற்கு அதன் பழமையும் வளமையும் மட்டும் போதாது. அம்மொழி பேச்சு மொழியாக, எழுத்து மொழியாக, ஆட்சி மொழியாக, நீதிமன்ற மொழியாக, பயிற்று மொழியாக நிலைபெற்றிடல் வேண்டும். இலக்கிய வளம் இலக்கண அரண், மிகுந்த சொல்வளம், வரலாற்றுப் பின்னணி, தனித்தியங்கும் மாண்பு, காலத்திற்கேற்ற புதுமை எனப் பல வகையிலும் சிறப்பை பெற்று இருந்தல் வேண்டும். தமிழ் மொழிக்கு இவை அனைத்தும் பொருந்தும்.

செம்மொழி தகுதிப்பாடுகள்

  • தொன்மை
  • பிறமொழித் தாக்கம் இன்மை
  • தாய்மை
  • தனித்தன்மை
  • இலக்கிய வளம் இலக்கணச் சிறப்பு
  • பொதுமைப் பண்பு
  • நடுவுநிலைமை
  • பண்பாடு கலை பட்டறிவு வெளிப்பாடு
  • உயர் சிந்தனை
  • கலை இலக்கியத் தனித்தன்மை வெளிப்பாடு
  • மொழிக் கோட்பாடு 
எனப் 11 தகுதிகளை அறிவியல் தமிழறிஞர் முஸ்தபாவும் மொழி வல்லுநர்களும் வரையறுத்துள்ளனர்.

தொன்மை

Tamil Mozliyin sirapu

முதல் மாந்தன் தோன்றிய இடம் குமரிக்கண்டம், அவன் பேசிய மொழி தமிழ் மொழியை என்கின்றனர் ஆய்வாளர். அக் குமரி கண்டத்தில் முதல், இடை தமிழ் சங்கங்கள் அமைத்து தமிழர் மொழியை வளர்த்தனர். இந்நிலப்பகுதி கடற்கோளால் கொல்லப்பட்டதால், தமிழ் சான்றோரால் மூன்றாவது தமிழ்ச் சங்கம் இன்றைய மதுரையில் தோற்றுவிக்கப்பட்டது. இது 3000 ஆண்டுகளுக்கு முன் நிகழ்ந்தது என்பர். உலகம் தோன்றிய போதே தோன்றிய தமிழை, அதன் தொன்மையை கருதி “என்றுமுள தென்தமிழ்” என்பார் கம்பர்.

பிறமொழி தாக்கமின்மை

காலச்சூழலே மொழி கலப்பினை ஏற்படுத்துகிறது. ஆங்கிலத்தில் எண்ணற்ற பிறமொழிச் சொற்கள் கலந்துள்ளன. வடமொழியிலும் தமிழ், காகிதம் பாலி மொழிச் சொற்கள் கலந்துள்ளன இவ்வாறே தமிழிலும் பிறமொழிச் சொற்கள் கலந்துள்ளன. 

பிறமொழி சொற்களை நீக்கினால் பல மொழிகள் இயங்காது. ஆனால் தமிழ் ஒன்றே பிறமொழி சொற்களை நீக்கினாலும் இனிதின் இயங்கவல்லது. மிகுதியான வேர்ச் சொற்களை கொண்ட மொழி தமிழ். அவ்வேர்ச் சொற்களை கொண்டே புத்தம்புதுக் கலைச்சொற்களை தமிழ் மொழியால் உருவாக்கிக் கொள்ள இயலும்.

தாய்மை

தமிழ் மொழியானது திராவிட மொழிகளான கன்னடம் தெலுங்கு மலையாளம் துளுவம் முதலிய மொழிகளுக்குத் தாய் மொழியாக திகழ்கிறது. அது பிராகுயி முதலான வடபுல மொழிகளுக்கும் தாய்மொழியாக விளங்குகிறது என்பார் கால்டுவெல். 1090 மொழிகளுக்கு வேர்ச் சொற்களையும் 180 மொழிகளுக்கு உறவுகளையும் தந்துள்ளது நம் தமிழ் மொழி. ஆதலால், உலக மொழிகளுக்கெல்லாம் தாய் மொழியாக திகழ்கிறது தமிழ் என்பது பெருமைக்குரிய ஒன்று.

தனித்தன்மை

இயல் இசை நாடகம் என்னும் முப்பெரும் பிரிவுகளைக் கொண்டது தமிழ் தமிழர் அகம் புறம் என வாழ்வியலுக்கு இலக்கணம் வகுத்தனர் திருக்குறள் மாந்தர் இனத்திற்கே வாழ்வியல் நெறிமுறைகளை வகுத்தளித்தது. உலகில் பேசப்படும் மொழிகளில் தமிழின் பழமையையோ அதன் பெருமையையோ எம்மொழியும் நெருங்க இயலாது தமிழ் மொழி இலக்கிய இலக்கண வளங்களோடு தனக்கென தனி நோக்கும் போக்கும் கொண்டுள்ளது இவையாவும் தமிழ்மொழியின் தனித்தன்மைகளே.

இலக்கிய வளம் இலக்கணச் சிறப்பு

உலக இலக்கியங்களுள் முதன்மை பெற்றுள்ளவை சங்க இலக்கியங்கள் இவற்றின் மொத்த அடிகள் 26 ஆயிரத்து 350 ஆகும் அக்காலத்தே அளவிற்கு விரிவாக உருவாக்கப்பட்ட இலக்கியங்கள் உலகில் வேறு எம்மொழியிலும் இல்லை என்பது உலக இலக்கியங்களை ஆராய்ந்த கமில்சுவலபில் என்னும் செக் நாட்டு மொழியியல் பேரறிஞர் இன் முடிவு.
 
Tamil Mozliyin sirapu

மாக்சுமுல்லர் என்னும் மொழிநூல் அறிஞங்கரோ தமிழே மிகவும் பண்பட்ட மொழியென்றும் அது தனக்கே உரிய இலக்கியச் செல்வங்களைப் பெற்றிருக்கும் மொழியென்றும் பாராட்டி இருக்கிறார் உலக இலக்கியங்கள் எவற்றிலும் இல்லாத தனிச்சிறப்பு சங்க இலக்கியங்களுக்கு உண்டு. அவை தொன்மக் கருத்துகளின் அடிப்படையில் எழுதாமல் மக்கள் வாழ்வியல் நெறிகளை வெளிப்படுத்தின. ஆதலால், சங்க இலக்கியங்களை மக்கள் இலக்கியம் எனலாம்.

தமிழ் மொழியின் இலக்கண அமைப்பானது, தனிச்சிறப்புடையது; நுண்ணிய அறிவை உண்டாக்கவல்லது. தமிழ் இலக்கணம் படிக்கப் படிக்க விருப்பத்தை உண்டாக்குவது என்பார் கெல்லட். 

நமக்கு கிடைத்த இலக்கண நூல்களுள் மிகப் பழமையானது தொல்காப்பியம். இது எழுத்து, சொல், பொருள் ஆகிய மூன்றுற்கும் இலக்கணம் கூறுகின்றது. தொல்காப்பியரின் ஆசிரியராகிய அகத்தியர் எழுத்து, சொல், பொருள்,யாப்பு, அணி ஆகிய ஐந்து இலக்கணங்களையும் எழுதினார். அந்நூலுக்கு அகத்தியம் என்பது பெயர். அறிவியல் முறையில் அமைந்த இத்தகைய இலக்கண நூல்கள் தோன்ற வேண்டும் என்றால் குறைந்தது ஆயிரம் ஆண்டுகளுக்கு முன்பாவது தமிழ் மொழி தோன்றி சென்மைநிலை பெற்றிருத்தல் வேண்டும். அத்தகைய இலக்கிய இலக்கண வளம் உடையது நம்முடைய தமிழ்மொழி.

பொதுமைப் பண்பு

தமிழர் தமக்கென வாழப் பிறகு வந்தனர் வாழ பிறர்க்குரியவராக வாழ்ந்தனர்; ஒன்றே குலம் எனப் போற்றினர்; தீதும் நன்றும் விளைவது அவரவர் செயலால் என்றுணர்ந்தவர்; செம்புலப் பெயல்நீர் போல அன்புள்ளம் கொண்டனர்; இவ்வாறான பொதுமை அறங்களை தமிழ் இலக்கியங்கள் கூறுகின்றன அவை உலகத்தால் போற்றப்படுகின்றன.

நடுவு நிலைமை

சங்க இலக்கியங்கள் இனம் மொழி மதம் கடந்தவை இயற்கையோடு இணைந்தவை உலகத்தார் ஏற்கும் பொது கருத்துக்கள் உடையவை; மக்கள் சிறப்புடன் வாழ ஏற்ற கருத்துகளை மொழிபவை.

பண்பாடு கலை பட்டறிவு வெளிப்பாடு

சங்க படைப்புகள் வெறும் கற்பனை படைப்புகள் அல்ல அவை மனித பட்டறிவின் முழு வெளிப்பாடுகள். அறிவுடன் பொருந்தி வருவன; படைப்புகள் அறத்தோடு நிலையாய் நிற்பன. அவை பகுத்துண்டு பல்லுயிர் ஓம்புதல், யான்பெற்ற இன்பம் பெறுக இவ்வையகம், பிறன்மனை நோக்காப் பேராண்மை முதலிய பண்பாட்டு நெறி முறைகளையும் வெளிப்படுத்துகின்றன.

உயர் சிந்தனை

யாதும் ஊரே யாவரும் கேளிர் என உலக மக்களை ஒன்றிணைத்து உறவுகள் ஆக்கி உயர்சிந்தனை மிக்கது புறநானூறு. அது உரிமைக்குஉறவுக்கு 3வது பிறப்பொக்கும் எல்லா உயிர்க்கும் எனத் திருக்குறள் உலகுக்கு எடுத்துரைக்கிறது அது மக்கட்பண்பு இல்லாதவரை மரம் எனப் பழிக்கிறது இவையெல்லாம் தமிழ் மொழிக்கே உரிய விழுமிய சிந்தனைகள்.

கலை இலக்கியத் தனித்தன்மை வெளிப்பாடு

Tamil Mozliyin sirapu

தமிழ் சான்றோர் மொழியை இயல், இசை, நாடகம் என பிரித்து நடையை செய்தனர் மேலும் எளிய குடிமகனையும் குடிமக்களையும் காப்பிய தலைவர்களுக்கு காப்பியம் படைத்தனர் குடிமக்கள் காப்பியமான சிலப்பதிகாரம் அரசியல் பிழைத்தோர்க்கு அறம் கூற்றாகும் என்னும் அறநெறியை உலகாள்வோர்க்கு உணர்த்துகிறது.

மொழிக் கோட்பாடு

தொல்காப்பியர் கூறும் எழுத்துப் பிறப்பு முறைகள் மொழி நூலையே வியப்பில் ஆழ்த்துகின்றன இன்றைய மொழியியல் வல்லுநர்கள் மேணிங் பின்பற்றுவதற்கு வழிமுறைகளைத் தொல்காப்பியம் கூறுகின்றது என்பார் முனைவர் எமினோ. எக்காலத்திற்கும் பொருந்தும் மொழியியல் கோட்பாடுகளை வகுத்த தமிழர்தம் மொழித்திறன் ஆராயத்தக்கது.

நம் தமிழ் மொழியில் உள்ள சொற்கள் மனித உணர்வுகள் அனைத்தையும் எண்ணியவாறு வெளிப்படுத்த போதுமானது என்பர் மொழிநூலார். தமிழ்மொழி கால புதுமையை பெற்ற தக்க வல்லது; கணினி பயன்பாட்டிற்கு ஏற்றது

இவ்வாறு செம்மொழிக்கான பதினோரு கோட்பாடுகளும் முற்றிலும் பொருந்துமாறு அமைந்த ஒரே மொழி தமிழ்மொழி என்பதை எண்ணி தமிழராகிய நாம் நம்முடைய தமிழ் மொழியை நினைத்து பெருமை விதம் பட வேண்டும்.

Conclusion 


இவ்விருஞ்சிறப்பிக்க தமிழை செம்மொழி என அறிதல் வேண்டும் என்ற முயற்சி ஆயிரத்து 1901 ஆம் ஆண்டு தொடங்கி 2004 ஆம் ஆண்டு வரை தொடர்ந்து நடுவண் அரசு 2004ஆம் ஆண்டு அக்டோபரில் தமிழை செம்மொழியாக அறிவித்தது.

இத்தகைய சிறப்புமிக்க நம் தாய்மொழியாகிய தமிழ் மொழியை எப்பொழுதும் இழிவாகவும் மறந்து விடவும் கூடாது என்று இந்தப் பதிவில் நான் பதிவு செய்கிறேன்.

வாழ்க தமிழ்! வளர்க தமிழ்!

Reactions

கருத்துரையிடுக

0 கருத்துகள்